Exo 29:4-9 | SwhNEN | STEP | Kisha mlete Aroni na wanawe kwenye lango la Hema la Kukutania na uwaoshe kwa maji.

Exodus 29:4-9

4 ^aKisha mlete Aroni na wanawe kwenye lango la Hema la Kukutania na uwaoshe kwa maji. 5 ^bChukua yale mavazi na umvike Aroni koti, joho la kisibau na kisibau chenyewe pamoja na kile kifuko cha kifuani. Mfungie hicho kisibau kwa ule mshipi wa kiunoni uliosukwa kwa ustadi. 6 ^cWeka kilemba kichwani mwake na kuweka taji takatifu ishikamane na hicho kilemba. 7 ^dChukua yale mafuta ya upako umimine juu ya kichwa chake. 8 ^eWalete wanawe na uwavike makoti, 9 ^fpia uwavike zile tepe za kichwani. Ndipo uwafunge Aroni na wanawe mishipi. Ukuhani ni wao kwa agizo la kudumu. Kwa njia hii utamweka wakfu Aroni na wanawe.